唉．．．今天的經歷，一定要引用一下一本名書入面的名句．．．「這一天！注定是一個用黑色筆寫上的日子。」 當然，跟死人林樓無關．．．．只是這個經歷無異是一次夜麻麻同黑抆抆的經歷，同黑色真係襯到絕。在這個奇異的黑夜來臨之前，一切都十分平常，又是一年一度的校運會．．．依然都是斧山道那個運動場．．．基本上，由個度返屋企，頂多半個小時，都返到屋企．．．但又有誰想到我居然行到腳都跛，仲有用左差不多成個鐘頭先返到屋企呀＝ ＝  基本上，上方地圖顯示了我們的整個行走，離開運動場個時，有我，ｍｉｎｇ，ｂｅｃｋｙ。就是黃色的路線，我們到了仙跡岩飲野，傾計咁。我估我們坐到７點左右掛。ｂｅｃｋｙ佢坐地鐵走左，而ｍｉｎｇ就想坐巴士，佢問我９號係邊。當時，ｂｅｃｋｙ真係好幸運，佢走左去地鐵．．．唔需要行地圖上其他顏色的路．．．唉！ 我其實未坐過９號出去旺角，但我一直深信９號個站係藍色圓圈的位置。然而這個想法奠定我們往後的悲劇～（呢ｄ咪悲劇原素ｌａｗ）我同ｍｉｎｇ便沿著藍色個條線行．．．其實只係看個條線就知我們兜左路ｌａ，老實講，彩虹村我真係唔熟路．．．好少行。ｍｉｎｇ自己行過都知ｌａ，個度陰森可怖，周圍無人，又黑到死，得ｄ橙色的路燈。我唔行ｄ恐怖地方，尤其是入黑。 我們行左好耐，一來我唔肯定條路，仲覺得有ｄ迷路ｌａ．．．正當我以為我同ｍｉｎｇ的變左流浪又無錢的電波少年的主角之後，終於係幾經辛苦下，見到個巴士總站！！我們到左個恐怖程序同剛才條街一樣的巴士總站．．仲找到呢架一樣咁的氣氛的９號巴士。  ＜ｍｉｎｇ話太恐怖，所以要影低
正當我以為我的旅程已完成。就好像ｄ童話故事入面的公主以為自己嫁左個王子就完左個故事，仲以為有幸福快樂生活．．．（佢都無想過佢地之後會離婚，爭家產個ｄ）我們發覺到個巴士係無巴士站牌＠０＠！我們走左過隔離個ｄ巴士詢問處個ｄ小屋問入面個巴士佬，問佢個真正的巴士站係邊。而佢居然答我們．．．． 「唔知呀，我地係城巴，你去問前面９巴ｌａ！」有無搞錯，個巴士總站咁細，都唔知。最後仲發現個度根本無９號巴士站。 之後，我們看過去對面馬路，發現有９號巴士碼對面馬路個巴士站，ｍｉｎｇ以佢勝左２００米的速度去左追巴士，正當我又以為我的旅程又結束。佢走返過來同我講，架巴士唔係旺角方向。我們估應該係對面個條街（白線一帶），有相反方向，即係去旺角的９號。但個度係有４條高速公路隔住，附近無其他方法過到去，ｍｉｎｇ話佢試下去衝下佢．．．我就同佢講一宗蕭舊新聞，油麻地近富榮花園個邊就試過有個學生為左拿回個筆袋，衝個邊的６條高速公路．．．痴線的，可憐的小孩，就係大約衝到第４條，就被撞倒了，所以真係要小心過馬路！ 而另外：天啊！我同９號有咩深仇大恨，咁玩我．．．我完全失去晒對９號的線索。之後我們開始行橙色線路。落左條地下隧道，返我屋企個邊，我同ｍｉｎｇ講多宗新聞。我地行緊個條斜坡，曾經（好像是今年）有人踏單車，好像架單車壞左定點，不幸地撞左牆，很不幸的逝世了。就係佢嚇親的同時，隧道突然傳來中樂聲，有人係隧道演奏，立即嚇親ｍｉｎｇ。 出到去個度有好多巴士出旺角，ｍｉｎｇ堅持要找９號．．．但根本就找唔到，唔知佢係邊．．．最後找左幾個巴士站都無９號，之後佢就被迫選了２４號回家，又或者，佢可以選步行回家，佢都話係彩虹看到朗豪坊。 唉．．．我返到屋企就慘死ｌａ，我係一個咁近屋企的運動場搞運動會，我屋企覺得我點都唔應該８點先回家，而且一個電話都唔打返去．．．但重點係，如果你一直以為你一直係屋企附近行緊，而且仲可以好快咁回到去，你會唔會打回家．．．而且根本無人相信我部份性地因９號巴士迷路＝ ＝”唉．．．被人罵我無責任心呀，古古怪怪，有事隱藏．．． 無人信我都無法，你會唔會係屋企附近迷途？仲用好耐的時間？我上次ｍｉｎｇ生日，由豪華劇院極速１０分鐘回到９龍灣。如果呢單野唔係我親自經歷，我都唔信的．．．唉，真係行衰運，早知，係咁就唔好係地鐵又講又笑阿玲玲同農夫首ｒａｐ歌ｌａ．．．一定係風水的問題。 呢個故事教訓我們，如果要問路，唔好去問我＝３＝．．．仲有唔好胡亂唱「愛多８０年」同「風生水起」 ｐｓ：原來９號巴士係綠點個度，仲行綠點個邊．．．一開始我們就行錯路／ ．＼ | 
)
